Logo

सोमवार, आश्विन १७ गते २०७९

आज घोडेजात्रा, काठमाडौं उपत्यकामा धुमधामकासाथ मनाइँदै

आज घोडेजात्रा, काठमाडौं उपत्यकामा धुमधामकासाथ मनाइँदै

नेपालपाना चैत्र २२ २०७५
  • 28.2K
    SHARES
  • आज घोडेजात्रा, काठमाडौं उपत्यकामा धुमधामकासाथ मनाइँदै

    काठमाडौं । आज काठमाडौं उपत्यकामा धुमधामकासाथ परम्परागत घोडेजात्रा पर्व मनाइँदैछ । 

    जनविश्वासअनुसार टुँडिखेलको पूर्व–दक्षिण दिशामा रहेको एउटा रूखमा बास गर्ने गुरुमापा भन्ने राक्षसले शहरका बालबालिकालाई खाने गरेकाले पीडित स्थानीयवासीले विभिन्न उपायले त्यसलाई संहार गरे पनि उसको प्रेतात्मा फेरि जागा भई बालबालिकालाई अनिष्ट गर्नसक्ने भय तिनमा रहिरह्यो ।

    यसै कारण प्रत्येक वर्ष चैत्र कृष्ण औँसीका दिन घोडेजात्रा गरी गुरुमापाको आत्मालाई घोडाको टापले कुल्चाएर दबाउने गरिएको हो । साथै शहरका कुनै पनि बालबालिकामाथि खतरा नहोस् भनी आजै राति त्यही रूखको फेदमा गुरुमापालाई खानेकुरा पनि दिइन्छ ।

    नेपाली सेनाका तर्फबाट आजै टुँडिखेलमा अश्वकला, मोटरसाइकल खेल, शारीरिक व्यायाम, युद्धकलालगायतको प्रदर्शन गरिन्छ । आजकै दिन ललितपुरमा पनि एउटा कानो घोडा दौडाएर घोडेजात्रा मनाउने परम्परा छ ।

    चैत्र २२, २०७५ शुक्रवार १२:३९:३७ बजे : प्रकाशित

    नेपालपाना

    सम्बन्धित समाचार
    ताजा अपडेट

    Copyright © All right reserved to Nepalpana

    Site By: SobizTrend