Logo

आइतवार, मंसिर १२ गते २०७८

images

चिनियाँ रक्षामन्त्रीको स्वागत कुहिनो जोडेर !

चिनियाँ रक्षामन्त्रीको स्वागत कुहिनो जोडेर !

नेपालपाना मंसिर १४ २०७७
  • 12.4K
    SHARES
  • चिनियाँ रक्षामन्त्रीको स्वागत कुहिनो जोडेर !

    काठमाडौं । चिनियाँ रक्षामन्त्री वेइ फेङहे काठमाडौं आइपुगेका छन्। 

    चिनियाँ विशिष्ट पाहुना २१ सदस्यीय प्रतिनिधिमण्डलको नेतृत्व गर्दै रक्षामन्त्री वेइ आइतबार काठमाडौं आइपुगेका हुन्। 

    उनलाई त्रिभुवन विमानस्थलमा गृहमन्त्री रामबहादुर थापा, रक्षा मन्त्रालयका सचिव रेश्मीराज पाण्डे, नेपाली सेनाका रथी प्रभुराम शर्मा, नेपालका लागि चीनका राजदूत हउ यान्छी, परराष्ट्र मन्त्रालयका सहसचिव कालीप्रसाद पोखरेललगायतले स्वागत गरेका थिए । 

    स्वागतका क्रममा गृहमन्त्री थापाले रक्षामन्त्री वेइसँग हात नमिलाएर कुहिनो मिलाएका थिए। यसअघि विदेशी पाहुनाको स्वागतमा हात मिलाउने प्रचलन रहेपनि आइतबार भने कोभिड(१९ का कारण गृहमन्त्री थापा र चिनियाँ रक्षामन्त्री फेङ्हेले कुहिनो जोडेर शिष्टचार आदानप्रदान गरेका हुन्। 

    स्वागतपछि सङ्क्षिप्त मन्तव्य व्यक्त गर्दै चिनियाँ विशिष्ट अतिथि वइले पारस्परिक सैन्य सहयोग अभिवृद्धि गर्दै दुई देशबीचको विद्यमान सम्बन्धलाई थप सुदृढ तुल्याउनु आफ्नो भ्रमणको उद्देश्य भएको स्पष्ट पारे।

    आजै उनले राष्ट्रपति विद्यादेवी भण्डारी र रक्षा मन्त्रालयको समेत कार्यभार सम्हालेका प्रधानमन्त्री केपी शर्मा ओलीसँग बेग्लाबेग्लै शिष्टाचार भेट तथा प्रधानसेनापति पूर्णचन्द्र थापासँग द्विपक्षीय वार्ता गर्ने कार्यक्रम छ।रासस

    मंसिर १४, २०७७ आइतवार १५:५५:१४ बजे : प्रकाशित

  • सम्बन्धित विषय:

  • # नेपाल-चीन-सम्बन्ध

  • नेपालपाना

    सम्बन्धित समाचार

    Copyright © All right reserved to Nepalpana