Logo

बुधवार, आषाढ २२ गते २०७९

images

पाकिस्तानी प्रधानमन्त्रीको राजीनामा माग गर्दै भएको बृहत सभामा बिजुली काटियो

पाकिस्तानी प्रधानमन्त्रीको राजीनामा माग गर्दै भएको बृहत सभामा बिजुली काटियो

नेपालपाना मंसिर १९ २०७७
  • 20.5K
    SHARES
  • पाकिस्तानी प्रधानमन्त्रीको राजीनामा माग गर्दै भएको बृहत सभामा बिजुली काटियो

    मुल्तान । पाकिस्तानी प्रधानमन्त्री इमरान खानको राजीनामा माग गर्दै गरिएको बृहत सभामा मुल्तान प्रशासनले बिजुली काटिदिएको छ ।

    पाकिस्तानको मुल्तान जिल्ला प्रशासनले आयोजकहरुका लागि अवरोध खडा गर्ने प्रयासस्वरुप नोभेम्बर ३० मा पाकिस्तानी लोकतान्त्रिक आन्दोलन (पीडीएम) को सार्वजनिक भेलाको आयोजनास्थलको बिजुली काटिएको थियो ।

    दुनियाँ न्युजका अनुसमर कासिम बग स्टेडियममा पुगेका विपक्षी दलका कार्यकर्ताहरुले कार्यक्रमका लागि ल्याइएका उपकरणहरु पनि स्थानीय प्रशासनले जफत गर्ने काम गरेको छ । बिजुली काटिएपछि विकल्पको रुपमा जेनेरेटेरलगायतका उपकरणहरु ल्याइए पनि स्थानीय प्रशासनले नियन्त्रणमा लिएको थियो ।

    यसअघि विभिन्न विपक्षी दलका कार्यकर्ताहरुलाई कार्यक्रमको तयारीका लागि जान अवरोध गरेपछि कार्यकर्ताहरुले जबरजस्ती उक्त घेरा तोड्दै शनिबार स्टेडियममा प्रवेश गरेका थिए । पाकिस्तान पीपुल्स पार्टी (पीपीपी) र पाकिस्तान मुस्लिम लीग-नवाज (पीएमएल-एन) लगायत पीडीएम घटक दलका नेताहरूको नेतृत्वमा कार्यकर्ताहरुले तीनवटा ताला तोडेर स्टेडियममा प्रवेश गरेका थिए ।

    पाकिस्तान मुस्लिम लीग-नवाज (पीएमएल-एन) का उपाध्यक्ष मरियम नवाज शरीफ र पूर्व प्रधानमन्त्री बेनजीर भुटुको कान्छो छोरा असिफा भुट्टो जरदारी यस र्यालीमा सहभागी भएका थिए । आज, पाकिस्तानका प्रधानमन्त्री इमरान खानले कोभिड-१९ कारण देखाउँदै सरकारविरोधी र्यालीहरुमा अवरोध सिर्जना गर्ने काम गरिरहेको छ । प्रधानमन्त्री खानका प्रवक्ताले सार्वजनिक सभामा भाग लिनेहरूलाई जेलमा हाल्ने चेतावनी दिएका छन् । पीडीएमका नेताहरुले प्रधानमन्त्री इमरान खानको राजीनामा माग गरेका छन् ।

    मंसिर १९, २०७७ शुक्रवार १३:१३:३१ बजे : प्रकाशित

  • सम्बन्धित विषय:

  • # इमरान खान

  • नेपालपाना

    सम्बन्धित समाचार
    ताजा अपडेट

    Copyright © All right reserved to Nepalpana

    Site By: SobizTrend