Logo

बुधवार, कार्तिक ३ गते २०७८

images

आर्थिक स्थितिका बारेमा समाचार पोष्ट गरेका पत्रकारलाई मृत्युदण्ड

आर्थिक स्थितिका बारेमा समाचार पोष्ट गरेका पत्रकारलाई मृत्युदण्ड

नेपालपाना मंसिर २८ २०७७
  • 9.8K
    SHARES
  • आर्थिक स्थितिका बारेमा समाचार पोष्ट गरेका पत्रकारलाई मृत्युदण्ड

    इरान सरकारले एक पटक निर्वासनमा गएका पत्रकार रुहोल्लाह जामलाई मृत्युदण्ड दिएको छ । अनलाइनबाट देशको आर्थिक स्थितिका बारेमा रुहोल्लाहले समाचार पोष्ट गरेका कारण सन् २०१७ मा सरकारविरोधी प्रदर्शनहरु भएका थिए । 

    अल जजिराले सम्प्रेषण गरेको समाचार अनुसार इरानले सन् २०१९ मा पत्रकार जामलाई गिरफ्तार गरेको थियो । इरानी सर्वोच्च अदालतले फैसला सुनाएको चार दिनपछि पत्रकार जामलाई मृत्युदण्ड दिइएको थियो । 

    इरानको राज्य नियन्त्रित समाचार संस्था इर्नाका अनुसार पत्रकार जामलाई शनिबार बिहान झुण्ड्याएर मृत्युदण्ड दिइएको थियो ।

    पत्रकार जामलाई मृत्युदण्ड दिइनु मानव अधिकारको ठाडो उल्लंघन भएको जनाउँदै रिपोर्टर्स विदाउट बोर्डर्सले आपत्ति जनाएको छ । 

    पत्रकार जामले संचालन गरेको टेलिग्राम एप्समा इरानी सरकारले प्रदर्शनकारीमाथि गरेका दुव्र्यवहारको समयरेखा सहित समाचार सामग्री राखिएको छ । त्यसबखत झण्डै एक हजार प्रदर्शनकारीलाई गिरफ्तार गरिएको थियो । त्यसक्रममा झण्डै २०० देखि ४०० व्यक्तिको मृत्यु हुनुका साथै हजारौं व्यक्ति घाइते भएका थिए । 

    मंसिर २८, २०७७ आइतवार १८:३३:०८ बजे : प्रकाशित

  • सम्बन्धित विषय:

  • # विश्व
  • # विदेश

  • नेपालपाना

    सम्बन्धित समाचार

    Copyright © All right reserved to Nepalpana