Logo

आइतवार, माघ ४ गते २०७७

भारतमा पहिलो चरणमा ३० मिलियन कोभिड-१९ विरुद्धको खोप लगाइने

भारतमा पहिलो चरणमा ३० मिलियन कोभिड-१९ विरुद्धको खोप लगाइने

Nepal Pana पौष २९ २०७७
  • 72
    SHARES
  • भारतमा पहिलो चरणमा ३० मिलियन कोभिड-१९ विरुद्धको खोप लगाइने

    नयाँ दिल्ली । भारतमा १६ जनवरीदेखि सुरु हुने कोरोना महामारीविरुद्धको खोप अभियान निशुल्क प्रदान गरिने भएको छ ।

    विश्वमै सबैभन्दा ठूलो खोप अभियान सुरु  हुने भनिएको भारतमा ३० करोडभन्दा बढी मानिसहरुलाई पहिलो चरणमा लगाइने भएको छ ।

    भारतका केन्द्रीय स्वास्थ्य मन्त्री हर्ष बर्धनले शनिबार एक करोड स्वास्थ्यकर्मी र दुई करोड फ्रन्टलाइन कामदारहरूलाई खोपको पहिलो चरणमा निःशुल्क खोप दिइनेछ ।

    "खोप अभियानका लागि पहिलो चरणमा देशभरिका अधिकांश प्राथमिकता प्राप्त लाभार्थीहरूलाई नि: शुल्क खोप उपलब्ध गराइनेछ । जसमा एक करोड स्वास्थ्य सेवा र २ करोड अग्रणी कामदारहरू छन्," बर्धनले ट्वीटमा भनेका छन् ।

    भारतको ड्रग्स रेग्युलेटर (औषधि नियमन) निकायले दुईवटा खोपलाई औपचारिकरुपमा प्रयोगको अनुमति प्रदान गरेको थियो । अक्सफोर्डको कोभिड–१९ खोप कोभिशिल्ड र भारतको बायोटेक कम्पनीले निर्माण गरेको कोभ्याक्सिनलाई भारतले अनुमति प्रदान गरेको हो । भारतमा करिब पाँच करोडभन्दा बढी खोप भण्डारण भइसकेको बताइएको छ ।

    ड्रग्स कन्ट्रोलर जनरल अफ इन्डियाले कोभिशिल्ड खोप ७०.४२ प्रतिशत प्रभावकारी भएको बताएको छ । कोभ्याक्सिन भारतमै तयार गरिएको खोप हो । यसलाई भारत बायोटेकले इन्डियन काउन्सिल अफ मेडिकल रिसर्चसँग मिलेर निर्माण गरेको हो । डीसीजीआईका निर्देशक डा. वीजी सोमानीले भारत बायोटेक कोभ्याक्सिन सुरक्षित र इम्युनको मजबुद बनाउन सक्षम रहेको बताएका छन् ।

    प्रधानमन्त्री नरेन्द्र मोदीले ट्वीट गर्दै भनेका थिए, "डीसीजीआईले सीरम इन्स्टिच्युट अफ इन्डिया र भारत बायोटेक भ्याक्सिनलाई अनुमति दिएको छ। यसले देशलाई कोरोनामुक्त बनाउन सहयोग गर्नेछ, बधाई भारत ।"

    पौष २९, २०७७ बुधवार ११:३५:५५ बजे : प्रकाशित

  • सम्बन्धित विषय:

  • # भारत

  • सम्बन्धित समाचार

    Copyright © All right reserved to Nepalpana