Logo

आइतवार, माघ ४ गते २०७७

पाेखरामा खगराज अधिकारी ओलीको पक्षमा, 'संसद विघटन रहर नभई बाध्यता'

पाेखरामा खगराज अधिकारी ओलीको पक्षमा, 'संसद विघटन रहर नभई बाध्यता'

नेपालपाना पौष २९ २०७७
  • 76
    SHARES
  • पाेखरामा खगराज अधिकारी ओलीको पक्षमा, 'संसद विघटन रहर नभई बाध्यता'

    कास्की । नेपाल कम्युनिष्ट पार्टी (नेकपा) केन्द्रीय सदस्य एवं पूर्वमन्त्री खगराज अधिकारीले प्रतिनिधिसभाको विघटन प्रधानमन्त्रीको रहर नभई बाध्यता भएको बताएका छन्। 

    नेकपा पोखरा महानगरपालिका वडा नं १७ द्वारा आज आयोजित वडास्तरीय कार्यकर्ता भेलामा उनले समृद्धि र विकासका मार्गमा सरकार अघि बढिरहँदा पार्टीभित्रबाटै विभिन्न नाममा घेराबन्दी गरिएको बताए ।

    स्वाधीनताका पक्षमा पार्टी कार्यकर्तालाई उभिन आग्रह गर्दै उनले अवसरवादीका एवं विदेश परस्त प्रवृत्तिसँग बेलैमा जोगिनुपर्नेमा जोड दिए ।

     पार्टी एकीकरण बखतका विधानलाई अक्षरशः मनन गर्न आग्रह गर्दै पार्टी सिद्धान्त तथा वैचारिक स्पष्टताका साथ उभिन उनले कार्यकर्तालाई आग्रह गरे । 

    पोखरा महानगरपालिकाका प्रमुख एवं पार्टी केन्द्रीय सदस्य मानबहादुर जिसीले चैतमा घोषणा भएको महाधिवेशनसम्म कुर्न नसक्नेले चुनावमा जितेर प्रधानमन्त्री बन्नका लागि निर्वाचानमा चुनौती दिए। 

    निर्वाचनसँग डराएर सडक आन्दोलनमा लाग्नेले नेपाली जनताको भाग्य र भविष्यप्रतिको षड्यन्त्र भएको बताउँदै अध्यक्ष र महासचिव भएको पार्टी आधिकारिक हुने विश्वास व्यक्त गरे । 

    नेकपा केन्द्रीय सदस्य एवं प्रदेशसभा सदस्य कृष्ण थापाले वैशाखमा निर्वाचन भएरै छाड्ने विश्वास व्यक्त गर्दै त्यसका लागि कार्यकर्ता सङ्गठित भएर जुट्नुपर्नेमा जोड दिए ।

    पौष २९, २०७७ बुधवार २१:०७:१० बजे : प्रकाशित

  • सम्बन्धित विषय:

  • # नेकपा

  • नेपालपाना

    सम्बन्धित समाचार

    Copyright © All right reserved to Nepalpana