Logo

सोमवार, फाल्गुण २४ गते २०७७

पाकिस्तानमा अझै नियन्त्रणमा आउन सकेन जबरजस्ती बालविवाह

पाकिस्तानमा अझै नियन्त्रणमा आउन सकेन जबरजस्ती बालविवाह

Nepal Pana माघ ६ २०७७
  • 1.6K
    SHARES
  • पाकिस्तानमा अझै नियन्त्रणमा आउन सकेन जबरजस्ती बालविवाह

    इस्लामावाद । पाकिस्तानमा जबरजस्ती बाल विवाहको जोखिम न्युनिकरण हुन नसकिरहेको स्तम्भकार सुलमान अलिले बताएका छन् । स्तम्भकार अलिले पाकिस्तानमा जबरजस्ती बालविवाह निरन्तर चलिरहेको र बारम्बार भएका घटनाहरूले यो मुद्दा मुलुकमा गहिरो जरा गाडेको देखाउने बताएका छन् ।

    हालसालै १३ वर्षीया क्रिश्चियन बालिका आर्जुलाई अपहरण गरिएको थियो । उनलाई अपहरण गरेपछि जबरजस्ती धर्म परिवर्तन गराएर एक मुस्लिम पुरुषसँग विवाह गराइएको थियो । आर्जुको मुद्दाले मुलुकमा जबरजस्ती बालविवाहको बहसलाई पुन जगाएको अलिले बताएका छन् ।

    द नेसनमा प्रकाशित स्तम्भमा अली लेख्छन्, "पाकिस्तानमा बाल विवाहको जोखिम अन्त्य भएको छैन । किनभने कराचीमा जबरजस्ती विवाह र अल्पसंख्यक ईसाई बालिकाको धर्म परिवर्तन गर्ने अर्को घटना पनि सामने आएको छ ।

    बारम्बार भएका घटनाहरूले यस मुद्दालाई औल्याएको छ कि यो देशमा गहिरो जरा गाडेको छ ।" अप्रिल २०१९ मा पाकिस्तानी सिनेटले बाल विवाह कानून पारित गरे पनि विवाहको न्यूनतम उमेर १८ वर्ष तय गरेको छ । तर, पाकिस्तानमा नाबालिगलाई अपहरण गर्ने र जबरजस्ती बाल विवाह गराउने घटनाहरुमा भने नरोकिएको उनले बताएका छन् ।

    पाकिस्तान पीपुल्स पार्टी (पीपीपी) का नेता शेरी रहमानले विधेयक प्रस्तुत गरेका थिए । कराचीको कानुन बमोजिम नाबालिग विवाह कानूनविरूद्ध हो । यस्तो काम गर्नेलाई तीन लाखसम्म जरिवाना गराउने र तीन वर्ष जेल सजाय हुने प्रावधान छ । तर, उक्त विधेयक पाकिस्तानको नेशनल एसेम्ब्लीले खारेज गरेको थियो ।

    मानव अधिकार मन्त्री शिरीन मजारी र अधिकांश महिला सांसदहरूले यस विधेयकको समर्थन गरे पनि पर्याप्त मत भने पुग्‍न सकेन । पाकिस्तान सरकारले पनि बालविवाह रोक्‍नका लागि कुनै ठोस पहल लिएको छैन ।

    माघ ६, २०७७ मंगलवार १२:३१:०१ बजे : प्रकाशित

  • सम्बन्धित विषय:

  • # पाकिस्तान

  • सम्बन्धित समाचार
    ताजा अपडेट

    Copyright © All right reserved to Nepalpana