Logo

सोमवार, कार्तिक ८ गते २०७८

images

प्रधानमन्त्रीको दूत बनेर डिल्लीबजार कारागार पुगे महेश बस्नेत, रेशम चौधरीलाई सुनाए बालुवाटारको सन्देश

प्रधानमन्त्रीको दूत बनेर डिल्लीबजार कारागार पुगे महेश बस्नेत, रेशम चौधरीलाई सुनाए बालुवाटारको सन्देश

नेपाल पाना चैत्र १३ २०७७
  • 9.1K
    SHARES
  • प्रधानमन्त्रीको दूत बनेर डिल्लीबजार कारागार पुगे महेश बस्नेत, रेशम चौधरीलाई सुनाए बालुवाटारको सन्देश

    काठमाडौं । नेकपा एमालेका सांसद महेश बस्नेतले जनता समाजवादी पार्टीका निलम्बित सांसद रेशम चौधरीलाई भेटका छन् ।

    प्रधानमन्त्री केपी शर्मा ओलीको ‘दूत’ बनेर बस्नेत शुक्रवार विहान डिल्लीबजार कारागारा पुगेर चौधरीलाई भेटेका हुन् ।

    चौधरीको रिहाइसहित मधेसका मुद्दा सम्बोधनका लागि सरकार र जसपाबिच सघन वार्ता भइरहेका बेला बस्नेत बालुवाटारको सन्देश बोकेर कारागार पुगेका हुन् । भेटबारे बताउँदै सांसद बस्नेतले चौधरीको रिहाइसहितको जसपा मागमा बिहीबार बसेको मन्त्रिपरिषद बैठकले विशेष निर्णय गरिसकेको जानकारी गराउन आफू गएको बताए ।

    उनका अनुसार विप्लव समूहका नेता कार्यकर्ता रिहा गर्न भएको सम्झौताकै स्पिरिटमा रहेर जसपाको माग सम्बोधन गर्ने विषयमा मन्त्रिपरिषदले विशेष निर्णय गरेको छ । जसलाई सुनाउन कारागार पुगेका हुन् । त्यो विशेष निर्णय के हो भन्ने उनले खुलाएनन् ।

    भेटमा सांसद चौधरीले प्रधानमन्त्री ओलीले नै पार्टीको एजेन्डालाई सम्बोधन गर्न सक्ने भएकाले आफूहरू सकारात्मक भएको प्रतिक्रिया दिएको बस्नेतले बताए ।

    उनका अनुसार एजेण्डा सम्बोधन भएमा सहकार्य गर्नुपर्नेमा चौधरी पनि तयार छन् । टिकापुरमा प्रहरीका एसएसपीसहित ८ जनाको हत्या हुनेगरी भएको घटनाको मुख्य अभियुक्तका रुपमा दोषी ठहर्याउँदै चौधरीलाई जिल्ला अदालत कैलाली र उच्च अदालत दीपायलले जन्मकैद हुने फैसला गरेको छ ।

    फैसलाविरुद्ध चौधरीले सर्वोच्च अदालतमा पुनरावलोकन निवदेन दिएका छन् । मुद्दा विचाराधीन छ ।

    चैत्र १३, २०७७ शुक्रवार १५:४४:२५ बजे : प्रकाशित

  • सम्बन्धित विषय:

  • # महेश बस्नेत

  • नेपाल पाना

    सम्बन्धित समाचार

    Copyright © All right reserved to Nepalpana