Logo

बुधवार, मंसिर १५ गते २०७८

images

खोपका लागि राष्ट्रपतिले पहल गर्दा विरोध गर्ने भीम रावललाई योगेश भट्टराईको काउन्टर

खोपका लागि राष्ट्रपतिले पहल गर्दा विरोध गर्ने भीम रावललाई योगेश भट्टराईको काउन्टर

नेपाल पाना जेठ १८ २०७८
  • 71.2K
    SHARES
  • खोपका लागि राष्ट्रपतिले पहल गर्दा विरोध गर्ने भीम रावललाई योगेश भट्टराईको काउन्टर

    काठमाडौं । कोभिड महामारीले आक्रान्त नेपालमा खोपको अभाव छ । दातृ निकायले खोप दिन ढिलाई गरेका छन् ।

    यस्तोमा राष्ट्रपति विद्यादेवी भण्डारीको पहलले खोप आउने वातावरण सिर्जना भएको छ । राष्ट्रपतिको पहल पछि चीनले १० लाख डोज खोप दिने घोषणा गरेको छ । खोप लिन आज नेपाली जहाज चीन जाँदैछ ।

    भारतले पनि छिट्टै खोप पठाउने तयारी गरेको छ । रुससँग पनि खोपका लागि पत्र पठाइएको छ ।

    राजनीतिक दलहरु राजनीतिक खिचातानीमा अल्झिरहँदा राष्ट्रपतिको नागरिक खोगाउन अत्यावश्यक खोपका लागि आफ्नो कुटनीतिक प्रयास गरेकोमा स्वागत र प्रशंसा भइरहेको छ ।

    नागरिकको ज्यान जोगाउन राष्ट्रपतिले आफै पहलकदमी लिइरहेकी छन् । यस्तोमा राजनीति खिचातानीमा सबैभन्दा बढी अल्झिएका कोभिड १९ संक्रमण नियन्त्रणका लागि सिन्को नचाँचेका पूर्वमन्त्री भीम रावलले राष्ट्रपतिमाथि नै औला ठड्याए ।

    राष्ट्रपतिले खोप कुटनीति प्रयोग गर्नु संविधान विपरीत भएको तर्क गरे । संविधानको उल्लंघन भएको बताए । खोपका लागि पहल राष्ट्रपतिले गर्ने हो कि सरकारले भन्ने प्रश्न उठाए ।

    कोरोनाबाट त्रसित नागरिकको मनोदशाको शोषण गर्ने? भनेर पनि प्रश्न उठाए । तर यो प्रश्न रावलकै लागि ब्याक फायर भयो ।

    यसअघि वीरगंजमा भारतीयको नागरिकता लिन लाइन लागेको भनेर चिप्लिएका रावल यसपालि विरोधका लागि विरोध गर्दा आलोचित बन्न पुगे । उनको जनस्तरबाट महामारीमा संविधान र देशको कानुन नै मिचेर नागरिकको जीवन रक्षामा लागे जायज हुने, त्यस्ता नियम कानुन मिचेरै भए पनि खोप ल्याउन गरेको पहल सह्रानीय भएको भन्दै विरोधका लागि विरोध नगर्न भनेर आलोचना भयो ।

    यसमा अब नेकपा एमालेका युवा नेता योगेश भट्टराई पनि थपिएका छन् । भट्टराईले राष्ट्रपतिको पहललाई अन्यथा लिन नहुने जवाफ दिएका छन् । रावल र भट्टराई दुबै माधव नेपाल समूहमा छन् । रावल कारवाहीमा परिसकेका छन् भने भट्टराई पार्टी जोगाउने अभियानमा छन् । यस्तो राष्ट्रपतिको विषयमा दुई नेताको अलग धारणा आएको छ ।

    भट्टराईले भनेका छन्, 'राजनीतिक बिषयमा राष्ट्रपतिको अधिकार र सक्रियतालाई संबिधानले नै सीमाबद्ध गरिदिएको छ । सामाजिक सद्भभाव, राष्ट्रिय एकता र जनचासोका बिषयमा राष्ट्रपतीको अग्रसरताले सार्थक परिणाम आउंछ भने त्यसलाई अन्यथा मान्नु हुन्न । खोपका लागि राष्ट्रपतीको सक्रियतालाई यसरी नै बुझ्ने की ?'

    जेठ १८, २०७८ मंगलवार ०९:०४:३२ बजे : प्रकाशित

  • सम्बन्धित विषय:

  • # भीम रावल
  • # योगेश भट्टराई

  • नेपाल पाना

    सम्बन्धित समाचार

    Copyright © All right reserved to Nepalpana