Logo

सोमवार, जेठ ९ गते २०७९

images

आरजुले बाहिर ल्याइन् संस्कृति मास्ने माओवादीको कर्तुत, वर्षौपछि धनगढीमा खुसियाली

आरजुले बाहिर ल्याइन् संस्कृति मास्ने माओवादीको कर्तुत, वर्षौपछि धनगढीमा खुसियाली

नेपालपाना भाद्र १५ २०७८
  • 22.8K
    SHARES
  • आरजुले बाहिर ल्याइन् संस्कृति मास्ने माओवादीको कर्तुत, वर्षौपछि धनगढीमा खुसियाली

    धनगढी । नेपालकी प्रथम महिला डा. आरजु राणा देउवाले नेकपा माओवादी केन्द्रको भण्डाफोर गरेकी छन् । कथित जनयुद्धका नाममा १७ हजार नागरिकको ज्यान लिएको माओवादीले नेपालको परम्परा र संस्कृति पनि मास्ने काम गरेको भन्दै आरजुले आक्रोश पोखेकी हुन् ।

    सनातन धर्म संस्कृतिको रक्षामा अग्रसर प्रथम महिला आरजु अहिले गौरा मनाउन धनगढी पुगेकी छन् । गौरा मनाउने क्रममा आरजुले माओवादीले आफ्नो परिवारका महिलालाई दिएको दु:ख र कर्तुतबारे मुख खोलेकी हुन् ।

    केन्द्रमा सत्ता साझेदार रहेको माओवादीको आरजुले धर्म संस्कृति रक्षाका क्रममा भण्डाफोर गरेकी हुन् । जनयुद्धका नाममा माओवादीले संस्कृत शिक्षा नै मासेको थियो । जसकारण अहिले नेपालमा चरम सांस्कृतिक विचलन आएको छ । विदेशी संस्कृति नक्कल गर्ने र आफ्नो बिर्सिने क्रम बढ्दै गएको छ ।

    यस्तो बेला आरजु धार्मिक जागरण अभियानमा सक्रिय छिन् । उनले हरेक चाड सार्वजनिक रुपमै मनाउने गरेकी छन् । यसैक्रममा उनी धनगढी पुगेर संस्कृति मास्ने अभियानको नेतृत्व गरेको माओवादीको भण्डाफोर गरेकी हुन् ।

    माओवादी कारण आफ्नो परिवारले गाउँमा गौरा मनाउन नपाएको, घर ध्वस्त पारिएको र काठमाडौंमा गुरु (पण्डित) मगाएर मनाउनुपरेको बताउँदै आरजुले माओवादीको कर्तुत बाहिर ल्याएकी हुन् ।

    'परिवारमा परम्पराकालदेखि नै गौरा पर्व मनाउँदै आएका छौं । पहिले देउरानीहरुले पहाडकै घरमा गर्नुहुन्थ्यो । पछि माओवादी कालमा घर पनि ध्वस्त पार्यो । उहाँहरुलाई बस्न गाह्रो भएपछि उहाँहरु विस्थापित भएर यहाँ (धनगढी) बस्नुभएको थियो ।पूजा गर्न गाउँ जानुपर्ने धेरै त्रास थियो । त्यो बेलामा मैले काठमाडौंमा लगेर उतै पूजा गर्ने गरेको थिए,' आरजुले भनिन् ।

    आरजुले परापूर्वकालदेखि चलिआएको संस्कृतिलाई अगाडि बढाउन आफू धनगढी गौरा मनाउन आएको पनि बताइन् ।

    'अहिले यहाँ (धनगढी) घर भएपछि यहाँ मनाउछौं । यहाँका मान्छे अझै रमाउँछन् । त्यहीँ भएर यहाँ आएर मनाउँदैछु । यो हाम्रो इतिहास बोकेको पर्व हो । संस्कृतिलाई अगाडि बढाउन आए । म गौराको व्रत बसेको १६/१७ वर्ष भइसक्यो । नजिक गौरा ल्यायो भनेर भन्दा जेठा दिदीहरु दंग हुनुहुन्छ । मलाई पनि रमाइलो लाग्छ । मेरो गौरा अब सधै यतै हुन्छ । सारिरहनु हुन्न । गुरु पनि यतै बस्नुहुन्छ । परिवारै यहीँ छ । नत्र गुरुलाई पनि उतै लानुपर्थ्यो हामीले । अहिले आउन जान गाह्रो छ । हामी यतै मनाउँछौं,' उनले भनिन् ।

    भाद्र १५, २०७८ मंगलवार ०९:३२:४५ बजे : प्रकाशित

    सम्बन्धित समाचार

    Copyright © All right reserved to Nepalpana

    Site By: SobizTrend