Logo

आइतवार, कार्तिक ७ गते २०७८

images

नेपाली भूमि मिच्ने चीनसँग नडराउन शाहीको आह्वान, बचाउ गर्नेलाई हेलिकोप्टरमा सीमामै लगेर देखाइदिने घोषणा

नेपाली भूमि मिच्ने चीनसँग नडराउन शाहीको आह्वान, बचाउ गर्नेलाई हेलिकोप्टरमा सीमामै लगेर देखाइदिने घोषणा

नेपालपाना भाद्र १८ २०७८
  • 16.4K
    SHARES
  • नेपाली भूमि मिच्ने चीनसँग नडराउन शाहीको आह्वान, बचाउ गर्नेलाई हेलिकोप्टरमा सीमामै लगेर देखाइदिने घोषणा

    काठमाडौं । नेपाली काँग्रेस कर्णाली प्रदेश संसदीय दलका नेता जीवनबहादुर शाहीले चीनले नेपालको सीमा मिचेको ठोकुवा गरेका छन् ।

    हुम्लाबाट निर्वाचित प्रदेश सांसद शाहीले हुम्लाको उत्तरी क्षेत्रमा आफैं स्थलगत अवलोकन गरेर चीनले सीमा मिचेको तथ्य पत्ता लगाएका थिए । तर तत्कालीन सरकारले भने चीनको बदमासीको संरक्षण गर्दै सीमा नमिचिएको बताएको थियो ।

    आफैं स्थलगत अध्ययनमा गएर ठाउँ ठाउँमा सीमा मिचेको आफ्नै आँखाले देखेर बाहिर ल्याएका शाहीले प्राविधिकहरुबाट सर्वपक्षीय अध्ययन गर्दा दुधको दुध पानीको पानी बाहिर आउने बताउँदै आएका छन् ।

    शुक्रवार पत्रकार ऋषि धमलासँगको कुराकानीमा नेता शाहीले चीन रिसाउने डरले आफ्नो भूमि मिचिँदा पनि मिचिएको छैन भनेर बचाउ गर्नेलाई स्थलगत अवलोकन गरेर बोल्न चुनौती दिए । शाहीले स्थगलगत अवलोकन नगरी काठमाडौमा बसेर चीनले भूमि मिचेको छैन भनेर दावी गर्नेहरुलाई आफ्नै खर्चमा हेलिकोप्टरमा सीमा क्षेत्रको वास्तविकता देखाउने पनि घोषणा गरे ।

    शाहीले विगतमा नेपाल आफैंले बाटो बनाएको, भोगचलन गरेको र सिमाना वारी नै रहेको ठाउँमा अहिले चीनबाट अतिक्रमण भएको बताए । 'चीनले नेपाली भूभाग मिचेको मैले नांगो आँखाले देखेको छु, त्यसका बारेमा निश्पक्ष छानविन गर्न मैले माग गर्दै आएको छु,' उनले भने । उनले आफ्नो लगातारको मागपछि सरकारले उच्चस्तरीय छानविन समिति बनाएकोमा धन्यवाद दिए । यसले विवाद अन्त्य गर्न सहयोग पुग्ने उनको विश्वास छ ।

    'चीनले सिमाना मिचिरहने, हामी चुप लागेर सहीरहने हो भने कहिले पनि समस्याको समाधान हुँदैन । झन बल्झिदै जान्छ । दुई देशबीचको सम्बन्ध थप बिग्रिन्छ,' नेता शाहीले भने ।

    भाद्र १८, २०७८ शुक्रवार १२:४४:२९ बजे : प्रकाशित

    सम्बन्धित समाचार
    ताजा अपडेट

    Copyright © All right reserved to Nepalpana