Logo

शनिवार, मंसिर १८ गते २०७८

images

गठबन्धन बैठककाे बिशेष निर्णय, भाेलि मन्त्रिपरिषद् विस्तार हुँदै

गठबन्धन बैठककाे बिशेष निर्णय, भाेलि मन्त्रिपरिषद् विस्तार हुँदै

नेपालपाना आश्विन २१ २०७८
  • 2.7K
    SHARES
  • गठबन्धन बैठककाे बिशेष निर्णय, भाेलि मन्त्रिपरिषद् विस्तार हुँदै

    काठमाडौं। प्रमुख सत्ता साझेदार दलले मन्त्रिपरिषद् विस्तारका बारेमा छलफल गरेका छन् । 

    प्रधानमन्त्री निवास बालुवाटारमा आज बसेको सत्ता साझेदार दलका शीर्ष नेताको बैठकले मन्त्रिपरिषद् विस्तार गर्ने गरी छलफल केन्द्रित गरेको बताइएको छ ।

    सत्ता गठबन्धनका शीर्ष नेताबीचमा मन्त्रिपरिषद् विस्तार गर्ने सम्बन्धमा छलफल भएको नेकपा(माओवादी केन्द्र)का अध्यक्ष पुष्पकमल दाहाल‘प्रचण्ड’का प्रेस संयोजक विष्णु सापकोटाले जानकारी दिए ।

    बैठकमा प्रधानमन्त्री एवं कांग्रेस सभापति शेरबहादुर देउवा, नेकपा (माओवादी केन्द्र)का अध्यक्ष दाहाल, नेकपा (एकीकृत समाजवादी) का अध्यक्ष माधवकुमार नेपाल र जनता समाजवादी पार्टीका अध्यक्ष उपेन्द्र यादव उपस्थित थिए ।

    त्यस्तै नेकपा (एकीकृत समाजवादी) कोे स्थायी कमिटीको बैठक जारी छ । सोही बैठकले मन्त्रिपरिषद्मा सहभागी हुनेको नामावली चयन गर्ने बताइएको छ । जसपा पनि आन्तरिक छलफलमा रहेको छ ।

    माओवादीले बुधबार नै मन्त्रिपरिषद्मा सहभागी हुनेको नामावली टुङ्गो लगाइसकेको छ । माओवादीले देवेन्द्र पौडेल, शशि श्रेष्ठ, महेश्वर गहतराज र बोधमाया यादवलाई मन्त्रिमण्डलमा पठाउने निर्णय गरिसकेको छ ।

    अन्य दलकोतर्फबाट पनि आवश्यक निर्णय गरेर नामावली प्राप्त भएपछि सम्भवतः शुक्रबार मन्त्रिपरिषद् विस्तार हुने बताइएको छ । 

    आश्विन २१, २०७८ बिहिवार १९:३७:५६ बजे : प्रकाशित

  • सम्बन्धित विषय:

  • # सत्ता गठबन्धन

  • नेपालपाना

    सम्बन्धित समाचार

    Copyright © All right reserved to Nepalpana