Logo

बिहिवार, मंसिर १६ गते २०७८

images

अफगानिस्तानमा केटीलाई पनि विद्यालय पठाउने तालिबानको दाबी

अफगानिस्तानमा केटीलाई पनि विद्यालय पठाउने तालिबानको दाबी

नेपालपाना कार्तिक १ २०७८
  • 1.8K
    SHARES
  • अफगानिस्तानमा केटीलाई पनि विद्यालय पठाउने तालिबानको दाबी

    काठमाडौँ। अफगानिस्तानको सत्ता सञ्चालन गरिरहेको तालिबान समूहले छात्रालाई चाँडै विद्यालय फर्काउने व्यवस्था गर्न लागिएको दाबी गरेको छ । 

    छात्रालाई विद्यालय जान प्रतिबन्ध लगाएको भन्दै संसारभरबाट विरोध र आलोचना भएपछि तालिबान समूह यस्तो दाबी गरेको हो । 

    वर्तमान विश्वमा विद्यालय जान पाउनुपर्ने अधिकारलाई आधारभूत मानवअधिकार मानिएकाले उनीहरुलाई तत्काल विद्यालय फर्किने वातावरण बनाउन विश्वभरीबाट माग हुँदै आएको थियो । 

    अफगानिस्तानमा तालिबान सरकार बनेपछि छात्रलाई अध्ययन अध्यापनका लागि जान दिइएको तर छात्रालाई भने नदिइएको भन्दै सर्वत्र विरोध हुँदै आएको छ । 

    विरोध र आलोचना गर्नेहरुको दबाबका कारण अफगानिस्तानको तालिबान सरकारले छात्रालाई पनि विद्यालय जान पाउनेगरी व्यवस्था गर्न लागिएको स्पष्ट पारेको छ । 

    तालिबान सरकारको गृह मन्त्रालयका एक जना प्रवक्ताले कहिलेदेखि छात्रालाई विद्यालय खुल्ला हुन्छ भन्ने एकिन मिति भन्न नसकिए पनि चाँडै हुने दाबी गरेका छन् । 

    “मलाई जानकारी भएसम्म वा मैले बुझेसम्म धेरै छोटो समयमै विद्यालय तथा विश्वविद्यालयहरुमा छात्रा तथा महिला विद्यार्थीहरुलाई पठनपाठनको व्यवस्था हुनेछ,” एक अधिकारीले भने ।  

    त्यसैगरी विद्यालय तथा विश्वविद्यालयका महिला कर्मचारी तथा शिक्षिकाहरुलाई पनि काम गर्न अनुमति दिइएको उनले बताए । 

    केही समय अगाडि अफगानिस्तानका शिक्षिकाहरुले विद्यालय तथा विश्वविद्यालयमा छात्रहरुका लागि पठनपाठन सुरु हुँदा पनि आफूहरुको रोजगारीको निरन्तरता नभएको भन्दै चिन्ता व्यक्त गरेका थिए । 

    उनीहरुले रोजगारीको निरन्तरता नभएकाले पारिवारिक, आर्थिक तथा मनोवैज्ञानिक समस्यासमेत उत्पन्न भएको बताएका थिए ।  

    यसअघि सन् १९९६ देखि २००१ सम्म तलिबान सरकारले कठोर तथा अनुदार शासन व्यवस्था लागू गरेकाले अहिले पनि त्यस्तै कठोर र अनुदार शासन व्यवस्था लागू हुने हो कि भन्ने चिन्ता धेरैले गरेका छन् । 

    अधिकारकर्मी तथा उदारवादीहरुले अनुदार नहुन तालिबान समूहलाई अनुरोध गर्दै आएका छन् भने तालिबान अधिकारीहरुले आफूहरु कठोर नहुने जवाफ दिँदै आएका छन् । तर अहिलेसम्म पनि उदार व्यवस्था लागू हुनेमा धेरैले आशङ्का नै गरेको पाइएको छ ।

    कार्तिक १, २०७८ सोमवार १९:२२:०६ बजे : प्रकाशित

  • सम्बन्धित विषय:

  • # विश्व

  • नेपालपाना

    सम्बन्धित समाचार

    Copyright © All right reserved to Nepalpana