Logo

आइतवार, मंसिर १८ गते २०७९

प्रधानमन्त्री देउवा भेटेपछि श्रीलङ्काली राष्ट्रपतिले राखे यस्तो प्रस्ताव

प्रधानमन्त्री देउवा भेटेपछि श्रीलङ्काली राष्ट्रपतिले राखे यस्तो प्रस्ताव

नेपालपाना कार्तिक १७ २०७८
  • 7.0K
    SHARES
  • प्रधानमन्त्री देउवा भेटेपछि श्रीलङ्काली राष्ट्रपतिले राखे यस्तो प्रस्ताव

    काठमाडौं । प्रधानमन्त्री शेरबहादुर देउवा र श्रीलङ्काका राष्ट्रपति गोटाबय राजपाक्षेबीच द्विपक्षीय भेटवार्ता भएको छ ।

    संयुक्त अधिराज्यको ग्लास्गोमा जलवायु परिवर्तनसम्बन्धी संयुक्त राष्ट्रसङ्घीय संरचना महासन्धिको पक्षराष्ट्रको २६औँ सम्मेलन (कोप–२६) अन्तर्गत दुईदिने विश्व नेताहरुको शिखर सम्मेलनमा भाग लिन आएका उनीहरुबीच आज ‘साइडलाइन’ भेटवार्ता भएको हो ।

    भेटवार्तामा उनीहरुबीच दुई देशबीचको सम्बन्धलाई थप प्रगाढ बनाउने सन्दर्भमा कुराकानी भएको परराष्ट्र सचिव भरतराज पौड्यालले बताए। उनीहरुबीच शैक्षिक क्षेत्रमा सहयोग आदानप्रदान गर्ने, द्विपक्षीय संस्कृति मजबुत बनाउनेलगायत विषयमा पनि कुरा भएको थियो ।

    यसैगरी सो अवसरमा श्रीलङ्काली राष्ट्रपति राजपाक्षेले लुम्बिनीमा ३० शय्याको अस्पताल स्थापना गर्ने इच्छा व्यक्त गरेको र त्यसमा नेपालको सदभाव होस् भन्ने चाहना राखेको सचिव पौड्यालले बताए ।

    यसैगरी दुवै देशको पर्र्यटनका क्षेत्रमा प्रवद्र्धन गर्ने र सम्बन्ध अझ मजबुत बनाउने तथा उच्चस्तरमा संवादलाई निरन्तरता दिनेलगायतका विषयमा पनि उनीहरुबीच छलफल भएको थियो ।

    कार्तिक १७, २०७८ बुधवार १६:४१:४४ बजे : प्रकाशित

    सम्बन्धित समाचार

    Copyright © All right reserved to Nepalpana

    Site By: SobizTrend