Logo

बिहिवार, जेठ ५ गते २०७९

images

चार मन्त्रालयले पहल गर्दा पनि टेरेन चीनले, नेपालीहरु चिनियाँ रवैयाले पुरपुरोमा हात राखेर रुँदै

चार मन्त्रालयले पहल गर्दा पनि टेरेन चीनले, नेपालीहरु चिनियाँ रवैयाले पुरपुरोमा हात राखेर रुँदै

नेपालपाना माघ ६ २०७८
  • 3.2K
    SHARES
  • चार मन्त्रालयले पहल गर्दा पनि टेरेन चीनले, नेपालीहरु चिनियाँ रवैयाले पुरपुरोमा हात राखेर रुँदै

    काठमाडौं । नेपाल-चीन सीमा ६ वर्षदेखि ठप्प छ । कहिले भूकम्प त कहिले केही, केही कोभिड महामारी देखाएर चीनले नाका खोल्न मानेको छैन । दैनिक ७/८ सय कन्टेनर भित्रिने नाका आजकल सुनसान छ । चीनले विभिन्न बहानाबाजी गरेर अघोषित रुपमा नाकाबन्दीकै स्वरुपमा नाकामा अवरोध गरेको छ । यो अवरोध कोभिड महामारी शान्त भइसकेपछि पनि जारी रह्यो । नेपालका प्रधानमन्त्री, राष्ट्रपति, विभिन्न मन्त्रीहरु र मन्त्रालयले पहल गर्दा पनि चीनले टेरेन । 

    पछिल्लो समय नेपालका चारवटा मन्त्रालय कृषि, उद्योग, अर्थ र परराष्ट्र मन्त्रालयले निरन्तर नाका खोलिदिन पहल गरेका छन् ।

    त्यतिमात्रै होइन वाणिज्य मन्त्रालयबाट सरुवा भएर ल्हासास्थित नेपाली महावाणिज्यदूत बनेर गएका सहसचिव नवराज ढकालले तिब्बतबाट पहल गरिरहेका छन् । 

    तर चिनियाँ रवैयामा कुनै सुधार छैन । नाका खोल्न मानेकै छैन । जसका कारण नेपाली व्यापारी, किसान र उपभोक्ता मारमा परेका छन् । 

    नेपाल हिमालय सीमापार वाणिज्य संघका अध्यक्ष अशोक श्रेष्ठ चीनले नाका खोल्न खासै वास्ता नगरेको बताउँछन् । नेपाली पक्षबाट पर्याप्त कुटनीतिक पहल भए पनि चिनियाँ रवैया नबदलिएको उनको गुनासो छ । उनकाअनुसार अघिल्लो दसैँका लागि मगाएको सामान अझै नाकामा अड्किएङ्को छ । नेपाली व्यवसायीले मगाएका करिब ७/८ सय कन्टेर सामान अलपत्र छ ।

    तातोपानी नाका भन्सार कार्यालयका प्रमुख नारद गौतम आश्वासन दिएर पनि चिनियाँ पक्षबाट अवरोध भएको बताउँछन् । चीनले दैनिक २० गाडी पठाउने आश्वासन दिए पनि त्यसअनुसार आउन नदिएको उनको भनाइ छ । उनकाअनुसार नेपालतिर भने समस्या छैन । चिनियाँहरु नै अत्तो थापेर बसेका छन् । 

    रसुवा भन्सार कार्यालय प्रमुख रामप्रसाद मैनालीको अनुभव पनि त्यस्तै छ । कोभिड देखाएर चिनियाँ पक्षले सामान्य अवस्थामा पनि सामान छिर्न नदिएको उनको भनाइ छ । यसबारे मन्त्रालयमा जानकारी गराए पनि चिनियाँ रवैयामा सुधार आउन नसकेको र नाका सुनसान रहेको उनले बताए ।  

    नेपाल हिमालय सीमापार वाणिज्य संघका अध्यक्ष श्रेष्ठले व्यापारीहरु मारमा परेको बताए । नाकामा सामान रोकिदा कतिपय काम नलाग्ने भएको र कतिपयको ब्याज बढेर तिर्नै नसक्ने अवस्था हुँदा नेपाली व्यापारीहरु पुरपुरोमा हात राखेर रुनु परेको बताउँछन् । त्यस्तै मलखाद्यमा रोक लगाउदा नेपाली किसान रोइरहेका छन् ।

    माघ ६, २०७८ बिहिवार ११:४१:०१ बजे : प्रकाशित

  • सम्बन्धित विषय:

  • # चीन

  • नेपालपाना

    सम्बन्धित समाचार

    Copyright © All right reserved to Nepalpana

    Site By: SobizTrend