मंगलवार, आषाढ १४ गते २०७९
- TRENDING NOW :
निर्वाचन रोक्न सर्वोच्चमा दिएको रिट दरपीठ
निर्वाचन रोक्न सर्वोच्चमा दिएको रिट दरपीठ
काठमाडौं। सरकारले आगामी वैशाख ३० गतेका लागि तय गरेको स्थानीय तहको निर्वाचन रोक्न एक जनप्रतिनिधिले सर्वाेच्चमा हालेको रिटलाई अदालतले दरपीठ गरिदिएको छ ।
महोत्तरीको भंगहा नगरपालिकाका प्रमुख सञ्जीवकुमार साहले आगामी वैशाख ३० गते निर्वाचन गर्दा संविधानले तोके अनुसार आफूहरुको कार्यकाल पाँच वर्ष पूरा नहुने भन्दै रिट लिएर सर्वोच्च पुगेका थिए ।
तर, त्यो निवेदन दर्ता गर्नकै लागि योग्य नभएको निष्कर्षसहित रजिष्ट्रार नारायणप्रसाद पन्थीले दरपीठको आदेश दिएका हुन् ।
मेयर साहले आफू ७ असोज २०७४ मा निर्वाचित भएको र आफ्नो कार्यकाल ६ असोज २०७९ मा सकिने भन्दै वैशाख ३० मा निर्वाचन गर्दा आफूले पाँच वर्ष कार्यकाल पूरा गर्न नपाउने दावी गरेका थिए ।
सर्वोच्च अदालतमा पेश भएको निवेदन दर्ताका लागि योग्य छैन भने प्रशासनिक स्तरबाटै आधार र कारण खुलाएर दर्ता नहुने आदेश (दरपीठ) गरिन्छ ।रजिष्ट्रार पन्थीले जारी गरेको दरपीठ आदेशमा ऐनको प्रावधान यथावत रहेको अवस्थामा मेयर साहले अनुमानका आधारमा निवेदन दर्ता गर्न खोजेको उल्लेख छ ।
