Logo

शनिवार, आषाढ ११ गते २०७९

images

एमसीसी संसद टेबल हुन नदिने चिनियाँ मिसन आंशिक सफल, घरघरमा पुगे दूतावासका कर्मचारी

एमसीसी संसद टेबल हुन नदिने चिनियाँ मिसन आंशिक सफल, घरघरमा पुगे दूतावासका कर्मचारी

नेपालपाना फाल्गुण ४ २०७८
  • 5.6K
    SHARES
  • एमसीसी संसद टेबल हुन नदिने चिनियाँ मिसन आंशिक सफल, घरघरमा पुगे दूतावासका कर्मचारी

    काठमाडौं । अमेरिकी सहायता परियोजना एमसीसी रोक्ने उत्तरी छिमेकी चीनको मिसन आंशिक सफल भएको छ ।

    माओवादी केन्द्रका अध्यक्ष प्रचण्ड, नेकपा एसका अध्यक्ष माधवकुमार नेपाल र सभामुख अग्निप्रसाद सापकोटाको सहमतिमा प्रधानमन्त्री शेरबहादुर देउवाले बुधबारको संसद बैठकमा एमसीसी टेबलको तयारी गरेका थिए ।

    सडक र विद्युत ट्रान्समिसन लाइन निर्माणका लागि आएको सहायता परियोजना एमसीसीलाई समयसीमाभित्रै पारित गरेर अन्तर्राष्ट्रिय समुदायका अगाडि शिर ठाडो पार्न, कच्चा कुटनीतिबाट बच्न देउवाले प्रचण्ड र माधवका हरेक कुरा मानेका थिए ।

    यहाँसम्मकी प्रधानन्यायाधीश चोलेन्द्र शम्शेर जबरालाई पनि महाभियोग लगाउन तयार भए । प्रचण्ड माधवले शर्त माथि शर्त राख्दा पूरा गर्दै गए । तर उनीहरुले प्रधानमन्त्रीलाई प्रयोग मात्रै गरे । अनैतिक राजनीति र कच्चा कुटनीतिक खेलाची देखाए । यी सबैको पछाडि चिनियाँ खेल रहेको पाइएको छ । 

    माओवादीका एक नेताकाअनुसार माओवादीमा नारायणकाजी श्रेष्ठले एमसीसीविरुद्धको अभियानलाई नेतृत्व गरिरहेका छन् । कृष्ण महरा, वर्षमान पुन, देव गुरुङहरु लागेका छन् ।

    यी नेताहरु हरेक दिन चिनियाँ अधिकारीसँग सम्वादमा रहेको ती नेता बताउँछन् । श्रेष्ठ त एमसीसीविरुद्ध आज सडकमै उत्रेका थिए । त्यसैगरी माधव नेपालको नेकपा एसका नेताहरु पनि चीनप्रति वफादार देखिएका छन् ।

    एसका सम्मानित नेता झलनाथ खनालसँग चिनियाँ राजदूत होउ यान्छी नियमित सम्पर्कमा छिन् । बेइजिङबाट चिनियाँ कम्युनिस्ट पार्टीका विदेश विभागका पदाधिकारीहरु पनि प्रचण्डसँग नियमित सम्पर्कमा रहेको पाइएको छ । 

    जसको परिणाम बुधबार देखिएको कांग्रेसका नेताहरु बताउँछन् । प्रधानमन्त्री देउवानिकट एक नेताकाअनुसार माओवादी र नेकपा एसका नेताहरुको चिनियाँ हिमचिम अस्वभाविक छ ।

    चिनियाँ अधिकारीहरुसँगको नियमित सम्पर्क र दबाबले प्रचण्ड र माधवले युटर्न लिएको बुझाइ प्रधानमन्त्री देउवाको रहेको उनी बताउँछन् ।

    बुधबार संसद टेबल हुन रोकेपछि चिनियाँ राजदूत यान्छी र दूतावासका अधिकारीहरु थप सक्रिय भएका छन् । उनीहरुले एमसीसीविरुद्ध अभियानमा रहेका अगुवादेखि शीर्ष नेतृत्‍वसम्म पुगेर पूरा सहयोग हुने बेइजिङको सन्देश सुनाएका छन् । 

    एमसीसीलाई टेबल हुन नदिन र भइहाले असफल बनाउन चीनले सडक र सदन दुबैतिर दबाब बढाउने रणनीति लिएको छ ।

    जसका कारण प्रचण्ड र माधव सदन र सडकमा उतिकै सक्रिय छन् । न्युनतम राजनीतिक मर्यादासमेत गुमाएर सरकार र सडकमा बाह्य प्रभावमा तमासा देखाइरहेका छन् । सडकमा दबाब बढाउन, जनमतलाई बढीभन्दा बढी विरोधी बनाउन दूतावासका अधिकारी सक्रिय भएका छन् । यसका लागि आवश्यक आर्थिक खर्च दिएका छन् ।

    बुधबारको आंशिक सफलतापछि दूतावासका अधिकारीले एमसीसीको विरोधमा रहेका मुख्य अगुवा र नेताको घर घरमा पैसाको पोको पुर्याएको सूचना प्राप्त भएको छ । 

    एमसीसीको विरोधमा ज्ञानेन्द्र शाहीदेखि राप्रपा, अन्य साना कम्युनिस्ट पार्टीहरुलाई चीनले पछाडिबाट अघि बढ्न थप पुस गरेको जानकारहरु बताउँछन् ।

    फाल्गुण ४, २०७८ बुधवार २२:०१:३० बजे : प्रकाशित

  • सम्बन्धित विषय:

  • # चीन
  • # माओवादी
  • # एमसीसी

  • नेपालपाना

    सम्बन्धित समाचार

    Copyright © All right reserved to Nepalpana

    Site By: SobizTrend