Logo

बिहिवार, जेठ ५ गते २०७९

images

प्रधानमन्त्री देउवाको चेतावनी- एमालेले चुनाव जिते स्थानीय तह भंग हुन्छ

प्रधानमन्त्री देउवाको चेतावनी- एमालेले चुनाव जिते स्थानीय तह भंग हुन्छ

नेपालपाना बैशाख २६ २०७९
  • 1.6K
    SHARES
  • प्रधानमन्त्री देउवाको चेतावनी- एमालेले चुनाव जिते स्थानीय तह भंग हुन्छ

    काठमाडौं। नेपाली कांग्रेसका सभापति एवं प्रधानमन्त्री शेरबहादुर देउवाले आसन्न स्थानीय तह निर्वाचनमा एमालेलाई जिताए स्थानीय तह नै भंग हुन सक्ने चेतावनी दिएका छन् ।

    सोमबार धनगढीमा  आयोजित पाँँच दलीय गठबन्धनको संयुक्त आमसभालाई सम्बोधन गर्दै उनले दुईपटक प्रतिनिधिसभा विघटन गरेको एमालेले स्थानीय तहमा जिते स्थानीय तह नै विघटन गर्न सक्ने बताए ।

    ‘संसद विघटन गर्ने एमालेले जिते, उसले स्थानीय तह नै विघटन गर्न सक्छ,’ देउवाले भने, ‘संसद विघटन गर्ने, चल्न नदिने एमालेलाई जिताउनु भनेको स्थानीय तह, प्रदेश र संसद नै विघटन गर्न सक्छ ।’

    ३० वैशाखमा देशभर हुन गइरहेको स्थानीय तह निर्वाचनमा कांग्रेस, माओवादी केन्द्र, एकीकृत समाजवादी, जनता समाजवादी पार्टी र राष्ट्रिय जनमोर्चाबीच स्थानीय तहमा गठबन्धन भएको छ ।

    बैशाख २६, २०७९ सोमवार १८:१०:४५ बजे : प्रकाशित

    सम्बन्धित समाचार

    Copyright © All right reserved to Nepalpana

    Site By: SobizTrend