Logo

मंगलवार, श्रावण ३१ गते २०७९

images

गृहमन्त्री खाण एक्सनमा उत्रिएको २४ घण्टामै पक्राउ परे किशोरी बलात्कार आरोपी मनोज पाण्डे

गृहमन्त्री खाण एक्सनमा उत्रिएको २४ घण्टामै पक्राउ परे किशोरी बलात्कार आरोपी मनोज पाण्डे

नेपालपाना जेठ ७ २०७९
  • 7.4K
    SHARES
  • गृहमन्त्री खाण एक्सनमा उत्रिएको २४ घण्टामै पक्राउ परे किशोरी बलात्कार आरोपी मनोज पाण्डे

    काठमाडौं । सौन्दर्य प्रतियोगितामा सहभागी किशोरी बलात्कारको अभियोगमा प्रहरीले मुख्य अभियुक्त मनोज पाण्डेलाई पक्राउ गरेको छ । 

    काठमाडौं उपत्यका अपराध अनुसन्धान कार्यालयको टोलीले बलात्कारको अभियोग लागेका प्रतियोगिता आयोजक संस्थाका सञ्चालक पाण्डेलाई स्वयम्भुबाट पक्राउ गरेको हो ।

    ८ वर्षअघि सौन्दर्य प्रतियोगितामा सहभागी हुँदा आफूलाई बेहोस बनाएर बलात्कार गरेको र त्यसपछि ब्ल्याकमेल गरेर निरन्तर ६ महिना यौन शोषण गरेको भन्दै पीडित युवतीले भिडियोमार्फत हालै घटना विवरण सार्वजनिक गरेकी थिइन् । 

    घटना सार्वजनिक भएलगत्तै गृहमन्त्री बालकृष्ण खाणले चासो लिँदै छानविन समिति बनाउन प्रहरीलाई निर्देशन दिएका थिए । गृहमन्त्रीको निर्देशनमा प्रहरी प्रधान कार्यालयले अपराध महाशाखा प्रमुख एसएसपी बसन्त कुँवरको नेतृत्वमा पाँच सदस्यीय छानविन समिति गठन गरेको थियो । समिति गठन भएको २४ घण्टा नबित्दै मुख्य अभियुक्त पाण्डेलाई प्रहरीले नियन्त्रणमा लिएको हो । 

    यो घटनामा दोषीलाई कारवाही माग गर्दै र बलात्कार कानुनमा हदम्याद संशोधन माग गर्दै सडकदेखि सदनसम्म आवाज उठिरहेको छ । युवाहरु प्रधानमन्त्री निवास बालुवाटारदेखि माइतीघर, नयाँबानेश्वर, पोखरा, चितवनलगायत देशभर दबाबमूलक प्रदर्शनमा उत्रिएका छन् ।

    जेठ ७, २०७९ शनिवार १९:०८:३२ बजे : प्रकाशित

  • सम्बन्धित विषय:

  • # गृहमन्त्री बालकृष्ण खाँड

  • नेपालपाना

    सम्बन्धित समाचार

    Copyright © All right reserved to Nepalpana

    Site By: SobizTrend