Logo

बुधवार, आषाढ २२ गते २०७९

images

आरजुको पहलमा गेटा मेडिकल कलेजलाई ठूलो बजेट : तत्काल सञ्चालनमा आउने, भ्रमको खेती नगर्न आग्रह

आरजुको पहलमा गेटा मेडिकल कलेजलाई ठूलो बजेट : तत्काल सञ्चालनमा आउने, भ्रमको खेती नगर्न आग्रह

नेपालपाना जेठ १४ २०७९
  • 2.4K
    SHARES
  • आरजुको पहलमा गेटा मेडिकल कलेजलाई ठूलो बजेट : तत्काल सञ्चालनमा आउने, भ्रमको खेती नगर्न आग्रह

    काठमाडौं । सरकारले कैलालीमा रहेको गेटा मेडिकल कलेज सञ्चालन प्रक्रिया अगाडि बढाएको छ । 

    प्रधानमन्त्री पत्नी एवं कांग्रेस केन्द्रीय सदस्य डा. आरजु राणा देउवाको पहलमा चाँडै संचालनमा ल्याउनेगरी सरकारले बजेटसमेत छुट्याएको छ । 

    जेठ १५ गते संसदमा प्रस्तुत हुने बजेटमा गेटा मेडिकल कलेजलाई समेटिएको आरजुले जानकारी दिएकी छन् । गेटालाई बजेट नदिएको भनेर कैलालीमा भइरहेको विरोधमा जवाफ दिँदै आरजुले बजेट छुट्याइसकेको र छिट्टै कार्यान्वयनमा जाने भएकाले भ्रम नफैलाउन आग्रह गरेकी छन् । 

    ‘गेटामा रहेको क्याम्पससम्बन्धी विभिन्न टिकाटिप्पणी भइरहेको र आन्दोलन समेत भइरहेको सुन्दा मलाई अचम्म लागिरहेको छ। मैले चुनावको दौरानमा पनि अवगत गराएको थिएँ,’ उनले भनेकी छिन्, ‘त्यहाँका डाक्टरसाबहरुलाई पनि अवगत नै छ । आजभन्दा अगाडि चैत ४ गते नै त्यहाँ ३ सय शय्याको अस्पताल खोल्ने निर्णय बाहिर आइसकेको छ । यो बाबजुद पनि एकैचोटी मेडिकल कलेज किन नखोल्ने भन्ने बाहिर ल्याइएको छ ।’

    कानुन अनुसार ३ वर्ष मेडिकल कलेज सञ्चालन भएपछि मात्र क्याम्पस बनाउन मिल्ने उल्लेख गर्दै आरजुले सरकारले कानुन अनुसार नै प्रक्रिया अघि बढाएको बताइन् । 

    ‘यस्तो भन्ने साथीहरुले बुझ्नुपर्ने के छ भने नेपाल सरकारको कानुन अनुसार ३ वर्ष मेडिकल कलेज चलाइसकेपछि मात्रै कुनैपनि ठाउँमा क्याम्पस बनाउन सकिन्छ । त्यो नियमअनुसार गेटामा अस्पताल चाँडै सञ्चालन हुन गइरहेको छ’ उनले भनिन्, ‘निर्वाचनको कारणले अलिकति ढिलाई भएको हो । एक दुई हप्तामा नै समितिहरु बन्छ, संचालनका लागि बजेट पनि यही बजेटबाट नै आउँछ । भ्रम सिर्जना नगर्न म अनुरोध गर्न चाहन्छु ।’

    जेठ १४, २०७९ शनिवार १०:३५:३१ बजे : प्रकाशित

  • सम्बन्धित विषय:

  • # डा. आरजु राणा देउवा

  • नेपालपाना

    सम्बन्धित समाचार
    ताजा अपडेट

    Copyright © All right reserved to Nepalpana

    Site By: SobizTrend