Logo

शनिवार, मंसिर १७ गते २०७९

कमल थापाले भने- प्रत्यक्ष निर्वाचित प्रधानमन्त्री हुने व्यवस्था गरौँ

कमल थापाले भने- प्रत्यक्ष निर्वाचित प्रधानमन्त्री हुने व्यवस्था गरौँ

नेपालपाना जेठ २१ २०७९
  • 4.0K
    SHARES
  • कमल थापाले भने- प्रत्यक्ष निर्वाचित प्रधानमन्त्री हुने व्यवस्था गरौँ

    काठमाडौं। राप्रपा नेपालका अध्यक्ष कमल थापाले विराटनगरमा आयोजित छुट्टाछुट्टै अन्तरक्रिया र कार्यकर्ता भेलामा बोल्दै प्रत्यक्ष निर्वाचित प्रधानमन्त्री हुने व्यवस्था गर्नुपर्ने टिप्पणी गरेका छन् । 

    प्रदेश नम्बर १ को राजधानी विराटनगरमा ुवर्तमानका चुनौती र विकल्पु विषयमा बुद्धिजीवी वर्ग र उद्योग वाणिज्य क्षेत्रका प्रतिनिधिसँगको अन्तर्क्रियामा बोल्दै अध्यक्ष थापाले धार्मिक स्वतन्त्रता सहितको हिन्दु राष्ट्र, प्रत्यक्ष निर्वाचित प्रधानमन्त्री, समानुपातिक निर्वाचन प्रणाली राप्रपा नेपालको प्रस्ताव रहेको बताएका हुन् ।

    विभिन्न क्षेत्र, वर्ग, समुदायका व्यक्तिसँग आज आयोजित अन्तरक्रिया कार्यक्रममा बोल्दै थापाले राप्रपा नेपाल र पार्टीको भावी योजना तथा कार्यदिशाका बारेमा स्पष्ट पारेका थिए । पार्टीको एजेन्डाको बारेमा धारणा राख्दै थापाले धार्मिक, सांस्कृतिक पक्ष र महत्त्व, आर्थिक अवधारणा, बेरोजगारी समस्या, बढ्दो भ्रष्टाचार, कुशासनलगायतको चर्चा गर्दै राप्रपा नेपाललाई मुलुकको वैकल्पिक शक्तिको रूपमा स्थापित गर्न प्रयासरत रहेको उनले बताए ।

    मुलुकको आर्थिक दुरावस्थाका कारण आगामी दिन झन् सङ्कटग्रस्त हुनेतर्फ थापाले चिन्ता प्रकट गरेका थिए । उनले समस्याको निकास दिन र मुलुकलाई असफलताबाट जोगाउन सबै क्षेत्रबाट दलीय स्वार्थ र वादभन्दा माथि उठेर सोच्नु पर्नेमा जोड दिए । 

    जेठ २१, २०७९ शनिवार १९:५४:०९ बजे : प्रकाशित

  • सम्बन्धित विषय:

  • # समाचार
  • # कमल थापा

  • नेपालपाना

    सम्बन्धित समाचार
    ताजा अपडेट

    Copyright © All right reserved to Nepalpana

    Site By: SobizTrend