Logo

बिहिवार, श्रावण २६ गते २०७९

images

बालेनप्रति एमाले सांसद खतिवडाको व्यङ्ग्य– लौरो अहिले नुवाकोटे जनताको टाउको र ढाडमा बजारिन पुगेको छ

बालेनप्रति एमाले सांसद खतिवडाको व्यङ्ग्य– लौरो अहिले नुवाकोटे जनताको टाउको र ढाडमा बजारिन पुगेको छ

नेपालपाना जेठ २६ २०७९
  • 2.0K
    SHARES
  • बालेनप्रति एमाले सांसद खतिवडाको व्यङ्ग्य– लौरो अहिले नुवाकोटे जनताको टाउको र ढाडमा बजारिन पुगेको छ

    काठमाडौं। प्रतिनिधि सभामा नेकपा एमालेका सांसद नारायण प्रसाद खतिवडाले फोहोर व्यवस्थापनको नाममा नुवाकोटका जनतमाथि प्रहरी दमन भएको बताएका छन् । 

    बिहीबार प्रतिनिधि सभा बैठकको सून्य समयमा बोल्दै उनले नुवाकाटेका जनतामाथि अन्याय भएको जनाए । 

    ‘यही जेठ महिनाको २४ र २५ गते नुवाकोटको ककनी र धादिङको धुनिवेशीको बीचमा बञ्चरेडाँडामा फोहोर व्यवस्थापन गर्ने निहुँमा नुवाकोटे जनतामाथि प्रहरी दमन भएको छ,’ संसदमा उनले भने, ‘स्थानीय चुनावमा चुनाव चिन्ह रहेको लौरो अहिले नुवाकोटे जनताको टाउको र ढाडमा बजारिन पुगेको छ ।’ 

    काठमाडौं महानगरपालिकाका प्रमुख बालेन्द्र शाहले हालै सम्पन्न स्थानीय तह चुनावमा लौरो चिन्हमा चुनाव लडेका थिए । शाह काठमाडौं महानगरको प्रमुख भएपछि फोहोर व्यवस्थापनको नाममा नुवाकोटका जनतामाथि लौरो बजारिएको उनले बताएका हुन् । 

    ‘फोहोर व्यस्थापनको नाममा १७ वर्ष अगाडिदेखि नुवकोटमा जुन वेथिती भएको छ त्यसको व्यस्थापन गरेर, स्थानीय जनताको जायज माग सुनेर त्यो पुरा गरेर फोहोर व्यवस्थापन गर्ने व्यवस्था होस्,’ सांसद खतिवडाले भने ।   

    जेठ २६, २०७९ बिहिवार १५:१९:१३ बजे : प्रकाशित

  • सम्बन्धित विषय:

  • # नेकपा एमाले
  • # बालेन साह

  • नेपालपाना

    सम्बन्धित समाचार

    Copyright © All right reserved to Nepalpana

    Site By: SobizTrend