Logo

आइतवार, मंसिर १८ गते २०७९

चिनियाँ नाकाबन्दीले आत्महत्या गर्दै नेपाली व्यापारी, पटकपटक आग्रह गर्दा पनि नेपाल सरकारलाई टेरेन

चिनियाँ नाकाबन्दीले आत्महत्या गर्दै नेपाली व्यापारी, पटकपटक आग्रह गर्दा पनि नेपाल सरकारलाई टेरेन

नेपाल पाना आश्विन १ २०७९
  • 3.0K
    SHARES
  • चिनियाँ नाकाबन्दीले आत्महत्या गर्दै नेपाली व्यापारी, पटकपटक आग्रह गर्दा पनि नेपाल सरकारलाई टेरेन

    काठमाडौं । न्यूरोडका असल व्यापारीको छवि बनाएका स्वेत बराहा इन्टरप्राइजेजका सञ्चालक सुदर्शन घिमिरेले भदौ ६ गते आत्महत्या गरे । अकालमै मृत्युको बाटो रोज्नुको कारण थियो, चीनको नाकाबन्दी ।

    नेपाली बजारमा चिनियाँ सामान आयात र आपूर्तिमा संलग्न सिन्धुपाल्चोकका युवा उद्यमी हरेराम पौडेलले पनि सुदर्शनले अपनाएकै बाटो पछ्याए । नेपाल–चीन सीमामा महिनौंसम्म सामान अड्किएर ऋण लागेपछि कुनै विकल्प नभएर ०७७ असोज २७ गते आत्महत्या गरेका थिए । लामो समयदेखि व्यापार व्यवसायमा संलग्न दुबै जना कोभिडका नाममा चीनले गरेको अघोषित नकाबन्दीको सिकार भए । सीमामै पुगिसकेका सामान चीनले छाडेन ।

    कति सामान काम नलाग्ने भयो, कति बाटोमै अलपत्र पर्यो । यता ऋणदान गरेर सामान ल्याउन पठाएको पैसाको ब्याज बढ्दै गयो । व्यापार पनि संकटमा पर्यो । आर्थिक संकटबाट गुज्रिँदै टाट पल्टिए भने ऋणधनी बैक र साहुले साहुब्याज असुल्न ताकेता गर्न थाले । तिर्ने कुनै विकल्प बाँकी नरहेपछि मृत्यु रोजे । यसको कारण कोभिडका नाममा चीनले सीमामा सामान बोकेका कन्टेनर लामो समयसम्म रोक्नु ।

    सन् २०१९ को डिसेम्बरमा देखिएको कोरोना नियन्त्रणमा आइसकेको छ । तर त्यसलाई देखाएर चीनले अहिलेसम्म नाकामा अवरोध गर्दा नेपालको व्यापार व्यवसाय नै चौपट भएको छ । नेपाल सरकारले पटक पटक नाका खोल्न पहल गरे पनि चीनले टेरेको छैन । खोल्न सहमति जनाएर पनि नयाँ नयाँ बहाना गरेर चीनले दुख दिएको छ । गत चैतमा तीन दिने नेपाल भ्रमणमा आएका चिनियाँ विदेशमन्त्री वाङ यीले दुवै उत्तरी नाकाबाट आयात–निर्यात सहज हुने गरी छिट्टै प्रबन्ध मिलाइने आश्वासन दिएका थिए ।

    तर, अहिलेसम्म कार्यान्वयन भएको छैन । भदौमा चीन भ्रमणमा गएका परराष्ट्रमन्त्री डा नारायण खड्काले पनि सीमा नाकाका सहज बनाउन चीनलाई अनुरोध गरेका थिए । सभामुख अग्नि सापकोटाले पनि चैतमा चिनियाँ सभामुख ली झान्सुलाई नाका खोलिदिन अनुरोध गरेका थिए । उनले पहल गर्ने आश्वासन दिए । अहिले आफै नेपाल भ्रमणमा आउँदा समेत नाका सहज भएको छैन ।

    दशैं, तिहारजस्ता ठूला चाडपर्वका बेला चीनबाट आयात हुने सामान नेपाल भित्रिन सक्ने गरी तातोपानी र रसुवागढी नाका लगायतका नेपाल–चीन सीमानाका नाका तत्काल खोल्न सहजीकरण गर्न उनलाई नेपाली नेताहरुले आग्रह गरेका छन् । लीले नाका खोल्न पहल गर्ने आश्वासन दोहोर्याए पनि कार्यान्वयन हुने विश्वास छैन ।

    नेपाल–चीन सीमानाका नाका खोल्ने धेरै पटक चिनियाँ नेताहरुले आश्वासन दिए पनि कार्यान्वयन भएको छैन । नेपाली जनता र नेतालाई आश्वासन दिएर ढाट्ने काम मात्रै गरिरहेका छन् ।

    आश्विन १, २०७९ शनिवार ०९:२२:३६ बजे : प्रकाशित

  • सम्बन्धित विषय:

  • # चीनको अघोषित नाकाबन्दी

  • नेपाल पाना

    सम्बन्धित समाचार
    ताजा अपडेट

    Copyright © All right reserved to Nepalpana

    Site By: SobizTrend