Logo

सोमवार, आश्विन १७ गते २०७९

पाकिस्तानमा हिन्दुहरूमाथि आततायी दमन बढ्यो, दुई किशोरीको अपहरण गरि जबर्जस्ती 'निकाह'

पाकिस्तानमा हिन्दुहरूमाथि आततायी दमन बढ्यो, दुई किशोरीको अपहरण गरि जबर्जस्ती 'निकाह'

नेपालपाना चैत्र ११ २०७५
  • 102.0K
    SHARES
  • पाकिस्तानमा हिन्दुहरूमाथि आततायी दमन बढ्यो, दुई किशोरीको अपहरण गरि जबर्जस्ती 'निकाह'

    सिन्ध प्रान्तबाट अपहरणमा परि मुस्लिम युवासँग जबर्जस्ती विवाह गराईएका हिन्दु किशोरीहरू

    काठमाडाैं । पाकिस्तानको सिन्ध प्रान्त लगायतका स्थानमा अल्पसंख्यक हिन्दु समुदायमाथि ब्यापक हिंशा र आततायी दमन बढेको छ ।

    राज्य संरक्षित मुस्लिम अतिवादीहरूले हिन्दु महिला तथा किशोरीहरूमाथि बलात्कार गर्ने, जबर्जस्ती धर्म परिवर्तन र विवाह गराइरहेको घटना सार्वजनिक भएपनि प्रधानमन्त्री ईमरान खान दबाबमा परेका छन् ।

    सिन्ध प्रान्तमा दुई किशोरीको अपहरणपछि  निकाहा (बिबाह) गरेको भिडियो सार्वजनिक भएको छ । गत हप्ता होलीको दिन बेलुकी ती १३ बर्षीय रिभाना र १५ बर्षीय रिनालाई सिन्धको घोत्की जिल्लाबाट अपहरण गरि जबर्जस्ती धर्म परिवर्तन गरिदिएर विवाह गराइएपछि अहिले पाकिस्तानमााथि अल्पसंख्यकको सुरक्षा र सम्मानलाई लिएर विश्वव्यापी दबाब बढिरहेको छ । 

    भारतीय विदेशमन्त्री सुष्मा स्वराज र पाकिस्तानी सूचनामन्त्री फवाद चाैधरीबीचको ट्वीटर युद्ध 

    भारतले अपहरण, दबाब र जबर्जस्ती धर्म परिवर्तनको विषयमा पाकिस्तानस्थित भारतीय उच्चायुक्तसँग प्रतिवेदन मागेको जनाएको छ । सिन्धमा हिन्दु किशोरीमाथि भएको यो घटनालाई लिएर भारतकी विदेशमन्त्री सुष्मा स्वराज र पाकिस्तानी सूचनामन्त्री फवाद चाैधरीबीच वाकयुद्ध नै भएको छ । इन्टरनेट सञ्जाल ट्वीटरमा यी दुइबीच चर्काचर्की परेको हो । 

    पाकिस्तानी प्रधानमन्त्री इमरान खानले सिन्धमा भएको घटनामाथि अनुसन्धान गर्न निर्देशन दिएका छन् । सिन्धमा हिन्दुहरूमाथि भइरहेको अत्याचारबारे तत्काल कदम चाल्न प्रधानमन्त्रीको निर्देशन रहेको सूचनामन्त्री फवाद चाैधरीले जानकारी दिएका छन् । 


    पुजा गरिरहेकी पाकिस्तानी हिन्दु नारी 

    सन १९४७ मा स्वतन्त्र हुँदाताका पाकिस्तानमा हिन्दुहरूको जनसंख्या १० प्रतिशत हाराहारीमा थियो, तर व्यापक दमन गरिएपछि अहिले पाकिस्तानमा जम्माजम्मी १ प्रतिशत हिन्दुहरू मात्रै बाँकी छन् । 

    सिन्ध प्रान्तमा हिन्दु महिला र किशोरीहरूमाथि लगातार बलात्कार भईरहेको छ । हिन्दुहरूलाई जबर्जस्ती रूपमा धर्म परिवर्तन गराईएको छ । यसैका कारण अधिकांश हिन्दु र शिखहरू भागेर भारत आएका छन ।

    व्यापक दमनका कारण पाकिस्तानमा अल्पसंख्यक समुदायहरू खतरामा परेका छन । भारत नियन्त्रित काश्मीरलाई देखाउँदै पाकिस्तानले हिन्दुहरूको कत्लेआम गरिरहेको छ । 

    भारतले बारम्बार यो आरोप लगाईरहेको छ कि पाकिस्तानी सेनाले जैश-ए-मोहम्मद र लस्कर-ए-तैबालाई सञ्चालन गरिरहेको छ । यी अतिवादी चरमपंथी समुहले इस्लाम धर्मका नाममा फैलाईरहेको आतंकवादी विचारधारालाई पाकिस्तानी सेनाले मलजल गरिरहेको छ ।


    पाकिस्तानका प्रधानमन्त्री ईमरान खान

    यो विचारधाराले संसारभर ईस्लामी राज्य मात्र परिकल्पना गर्छ र अन्य धर्म मान्ने मानिसहरूलाई सिध्याउनुपर्ने तर्क राख्छ । धर्मको नाममा चलिरहेको पाकिस्तान विविधता र बहुलतायुक्त एसियाकै लागि खतराय बन्दै गएको छ ।

    पछिल्लो समयमा नेपालका तराई क्षेत्रमा पनि कट्टरपन्थी मुस्लिमहरूको संख्या बढिरहेको गुप्तचर निकायहरूले बताउँदै आएका छन् । यसले कालान्तरमा नेपालको सुरक्षा र शान्तीको अवस्थामा निकै ठूलो खतरा बढाउने विश्लेषण गरिन्छ । 

    तराईमा करिब चारहजार मस्जिद छन । तीमध्ये जम्माजम्मी सात सयवटा मात्र आधिकारिक रुपमा दर्ता गरिएका छन । यी मस्जिद चलाउन हुण्डीमार्फत रकम आउने गरेको र मस्जिदमा हुने गतिविधीबारे सरकारसमेत बेखबर देखिन्छ । 

    पाकिस्तानीहरुले नेपालका तराई क्षेत्रमा मस्जिद विस्तारका लागि विशेष लगाव देखाउने गरेका छन । भारतीयहरुले नेपालको तराईमा रहेका मस्जिदको लगानी र गतिविधीलाई लिएर बारम्बार प्रश्न उठाईरहेका छन । यी मस्जिदमा आतंकवादी गतिविधी हुने र पाकिस्तानका केही आतंकवादी लडाकुहरुले समेत नेपालका मस्जिदमा आश्रय लिईरहेको भारतीय पक्षले दाबी गरिरहन्छ ।

    चैत्र ११, २०७५ सोमवार १०:१४:४१ बजे : प्रकाशित

    नेपालपाना

    सम्बन्धित समाचार
    ताजा अपडेट

    Copyright © All right reserved to Nepalpana

    Site By: SobizTrend