Logo

बुधवार, माघ १४ गते २०७७

वाइडबडी प्रकरणमा धमाधम बयान, ५ विदेशी कम्पनीलाई पनि बोलाइयो

वाइडबडी प्रकरणमा धमाधम बयान, ५ विदेशी कम्पनीलाई पनि बोलाइयो

नेपालपाना चैत्र २० २०७५
  • 3.4K
    SHARES
  • वाइडबडी प्रकरणमा धमाधम बयान, ५ विदेशी कम्पनीलाई पनि बोलाइयो

    काठमाडौं । अख्तियार दुरुपयोग अनुसन्धान आयोगले वाइडबडी जहाज प्रकरणमा २१ जनासँग बयान लिएको छ।

    संसद्को राज्यव्यवस्था तथा सुशासन समितिको बैठकमा सांसदले उठाएका प्रश्नको उत्तर दिँदै अख्तियारका प्रमुख आयुक्त नवीनकुमार घिमिरेले वाइबडीका सम्बन्धमा धमाधाम बयान लिने काम भइरहेको जानकारी दिए।

    ‘नेपाल वायुसेवा निगमका पदाधिकारी र सदस्यसहित २१ जनासँग बयान सकिएको छ’, उनले भने, ‘वाइडबडी जहाज प्रकरणमा जोडिएका पाँच विदेशी कम्पनीलाई बयानका लागि बोलाइएको छ।’

    अख्तियारले सार्वजनिक सूचना जारी गरी आयरल्यान्ड डब्लिनको हाई फ्लाई एक्स लिमिटेड, अमेरिकाको एएआर इन्टरनेसनल, जर्मनीको जर्मन एभिएसन क्यापिटल, पोर्चुगलको हाई फ्लाई एरोज पोर्चुगल र जर्मनीकै नटर्न रोज फुलब्राइटलाई बयानका लागि बोलाएको छ।

     उनीहरूलाई १५ दिनभित्र उपस्थित हुन निर्देशन गरिएको प्रमुख आयुक्त घिमिरेले जानकारी दिए । यो खबर अन्नपूर्ण पोस्ट दैनिकमा छापिएको छ ।

    चैत्र २०, २०७५ बुधवार ०८:३७:४५ बजे : प्रकाशित

    नेपालपाना

    सम्बन्धित समाचार

    Copyright © All right reserved to Nepalpana