Logo

बुधवार, आषाढ २ गते २०७८

शक्तिशाली राष्ट्रलाई मात खुवाएको कोरोना भाइरसविरुद्ध ओली सरकारको आक्रामक लडाईं, तीन करोड नागरिक सुरक्षित

शक्तिशाली राष्ट्रलाई मात खुवाएको कोरोना भाइरसविरुद्ध ओली सरकारको आक्रामक लडाईं, तीन करोड नागरिक सुरक्षित

चैत्र ८ २०७६
  • 177.7K
    SHARES
  • शक्तिशाली राष्ट्रलाई मात खुवाएको कोरोना भाइरसविरुद्ध ओली सरकारको आक्रामक लडाईं, तीन करोड नागरिक सुरक्षित

    चीनको वुहानबाट २ महिनाअघि फैलिएको कोरोना भाइरस (कोभिड १९) का कारण विश्व अहिले आक्रान्त छ । युरोप, अमेरिका, भारतसहित विश्वका अधिकांश देश यसको चपेटमा छन् । संक्रमण र मृत्युदरले सबैलाई भयभित र चिन्तित बनाएको छ । हालसम्म १० हजार मानिसको मृत्यु भइसकेको छ भने २ लाख भन्दा बढी संक्रमित छन् ।

    यस्तो बेला नेपाल पनि कोरोना भाइरस विरुद्धको लडाईमा होमिएको छ । केपी शर्मा ओली नेतृत्वको दुईतिहाई बहुमत स्थिर सरकारले कोरोनाविरुद्ध लडाईलाई तीव्रता दिएको छ । परिणामस्वरुप हालसम्म नेपालमा कोही पनि कोरोना भाइरसबाट संक्रमित भएका छैनन् ।

    सरकारले भाइरस चीनबाट युरोपतिर प्रवेशपछि सतर्कता तीव्र पारेको थियो । सुरुमा चीनको वुहानमा फसेका १७५ नेपाली विद्यार्थीको उद्दार गरेर राज्य र सरकारको अनुभूति नागरिकलाई दिएको ओली सरकारले त्यसयता कोरोना रोकथाम तथा नियन्त्रणका लागि उच्चस्तरीय समन्वय समिति गठन गरेर कडा एक्सनमा उत्रियो ।

    सुरुमा पर्यटन भ्रमण वर्ष र सगरमाथा सम्वाद स्थगित गरेको सरकारले त्यसपछि कक्षा १ देखि ९ सम्मको परीक्षा चैत ५ गतेभित्र सक्न लगायो । ६ गतेदेखि हुने एसइई लगायत अन्य सबै परीक्षा स्थगित गर्योभ । भारतसँगका सीमा बन्द गर्‍यो । विदेश जानआउन रोक लगायो । भिडभाड र जमघट नगर्न भन्दै अनुगमनका लागि गृह प्रशासनलाई परिचालित गर्यो । सिनेमा हल, क्लब सबै बन्द गरायो । 

    अर्कोतिर कालोबजारी नियन्त्रण गर्योग केही मात्रामा भए पनि । तेलका लागि लाइन हटे । भिडभाड हुन नदिन प्रहरी नै परिचालन गर्योग । त्यसैगरी सरकारले स्वास्थ्य परीक्षणका लागि विभिन्न ठाउँमा आकस्मिक बेड र आइसोलेसन बेड तयार पारेको छ ।

    यसरी सरकार र नागरिक सचेत हुँदा देशले अप्रिय खबर सुन्न पाएको छैन । सबै नागरिक सुरक्षित छन् । ठूला र शक्तिशाली राष्ट्र कोरोनाका ‍अगाडि हारेका बेला ओली सरकारको सुझबुझ निर्णयले नै नेपाल सुरक्षित बन्न पुगेको छ। यसका लागि पुन: ओली सरकारलाई धन्यवाद । सबै सुरक्षित रहौं ।

    चितवनमा ७२ घण्टामै अस्पताल तयार गरिको छ । जनचेतनाका कार्यक्रमहरु पनि पर्याप्त रुपमा सञ्चालन भएका छन् । यसरी कोरोनाविरुद्ध लडाईको तयारी भइरहँदा नेपालमा हालसम्म कोही पनि कोरोना संक्रमित भेटिएका छैनन् । विश्वका देशको तथ्यांकमा नेपालमात्र कोरोना नभएको देशमा देख्न पाइन्छ । जून गर्वको कुरा हो ।

    सरकारबाट यति गतिविधि हुँदै गर्दा प्रधानमन्त्री केपी शर्मा ओलीले शुक्रबार साझ देशवासीका नाममा सम्बोधन गर्दै अत्यावश्कबाहेक घरबाहिर हिँडडुल नगर्न आग्रह गरे । हालसम्म कोरोना संक्रमण नदेखिएकोमा खुसी व्यक्त गर्दै ओलीले कोरोना आउन नदिन सबै उपायहरु अवलम्बन गरिने प्रतिबद्धता जनाए । उनले यातायात बन्दको घोषणा समेत गरे ।

    सबैभन्दा बढी भीड हुने यातायात क्षेत्र नै बन्द गर्नु एक सुरक्षित कदम थियो । जसको देशभर सराहना भइरहेको छ । विरामी हुँदाहुँदै पनि प्रम ओली सक्रिय हुनु, सार्क राष्ट्रप्रमुखको भिडियो कन्फ्रेन्समा सहभागी भएर नेपालको कुरा राख्नु, देशवासीका नाममा सम्बोधन गर्नु सराहनीय कदम हुन् । यसले अन्तत: नेपालीलाई नै फाइदा भएको छ । 

    निश्चय नै नागरिकहरुको जीउधनको सुरक्षा राज्यको सरकारको पहिलो कर्तव्य हो । जसलाई ओली सरकारले पूर्णरुपमा पालना गरिरहेको छ । परिणामस्वरुप कोरोना नेपाल प्रवेश गरेको छैन । यसअर्थमा बहुमतकोकम्युनिस्ट सरकार र प्रधानमन्त्री ओली धन्यवादका हकदार हुन । तीन करोड नेपालीलाई बचाउने ओली सरकारको प्रयासलाई हार्दिक सलाम । नागरिकले बल्ल सरकार भएको अनुभूति गर्दैछन् ।

    अर्कोतिर ओली सरकारको कदम र प्रयासमा नेपाली जनताले दिल खोलेर साथ दिएका छन् । सरकारका निर्णय पालना गरेका छन् । कोरोना संक्रमणबाट बच्न हात धुने, भिडभाडमा नजाने, घरमै बस्ने काम नागरिकस्तरबाट भएका छन् । यसले अन्तत देशलाई नै फाइदा गर्छ ।

    यसरी सरकार र नागरिक सचेत हुँदा देशले अप्रिय खबर सुन्न पाएको छैन । सबै नागरिक सुरक्षित छन् । ठूला र शक्तिशाली राष्ट्र कोरोनाका ‍अगाडि हारेका बेला ओली सरकारको सुझबुझ निर्णयले नै नेपाल सुरक्षित बन्न पुगेको छ। यसका लागि पुन: ओली सरकारलाई धन्यवाद । सबै सुरक्षित रहौं ।

    चैत्र ८, २०७६ शनिवार २३:३९:४० बजे : प्रकाशित

    सम्बन्धित समाचार

    Copyright © All right reserved to Nepalpana