Logo

बुधवार, माघ ७ गते २०७७

पाकिस्तान नियन्त्रित काश्‍मीरको अन्तरिम संविधान संशोधन प्रस्ताव डरलाग्दो, ‘जनतालाई दास’ बनाउने 

पाकिस्तान नियन्त्रित काश्‍मीरको अन्तरिम संविधान संशोधन प्रस्ताव डरलाग्दो, ‘जनतालाई दास’ बनाउने 

नेपालपाना आषाढ ७ २०७७
  • 82
    SHARES
  • पाकिस्तान नियन्त्रित काश्‍मीरको अन्तरिम संविधान संशोधन प्रस्ताव डरलाग्दो, ‘जनतालाई दास’ बनाउने 

    काठमाडौं । पाकिस्तान नियन्त्रित काश्‍मीर (पीओके)का राजनीतिज्ञहरुले आक्रोश व्यक्त गरेका छन् । 

    पीओकेको अन्तरिम संविधा संशोधनका लागि पाकिस्तान सरकारले प्रस्ताव गरे अनुसार संविधान संशोधन हुन लागेको भन्दै त्यहीका राजनीतिज्ञहरुले आक्रोश व्यक्त गरेका हुन् । उनीहरुले अन्तरिम संविधान संशोधन गरेर यहाँका नागरिकमाथि अन्याय गर्न लागिएको भन्दै सरकारको विरोध गरिरहेका छन् । राजनीतिज्ञहरुले ‘विभेदपूर्ण’ संशोधनले यहाँका नागरिकमाथि अन्याय गर्ने बताएका छन् । 

    संविधान संशोधन भएमा सम्पूर्ण अधिकार पाकिस्तानले नियुक्त गरेको अधिकारीलाई हस्तान्तरण गरिने र निर्वाचित प्रतिनिधिहरुको अधिकार कटौती गरिने भन्दै चिन्ता व्यक्त गरेका छन् । अवैधरुपमा नियन्त्रणमा लिएको काश्मीरमा पाकिस्तानले कुनै पनि राजनीतिज्ञलाई कुनै राजनीतिक सभासम्मेलन गर्नसमेत बन्देज लगाउने गरी संविधान संशोधन प्रस्ताव अघि सारेको छ । 

    उनीहरुले पाकिस्तानले काश्मीरको आत्मनिर्णयको अधिकारलाई कटौती गरेर आधारभूत मानवअधिकारको सिद्धान्तको उल्लंघन गरेको बताएका छन् । 
    भारतीय समाचार एजेन्सी एएनआईसँग कुरा गर्दै पीओकेका नेता तथा युनाइटेड काश्मीर पिपुल्स नेशनल पार्टीका अध्यक्ष सरदार सउकत अली काश्मीरीले भने, ‘पाकिस्तान नियन्त्रित काश्मीरमा पाकिस्तानले बेलाबेला यहाँ नागरिकहरुको बोल्न र स्वतन्त्रपूर्वक हिडडुल गर्न पाउने अधिकारलाई समेत बन्देज लगाउने गरी कानुनहरु ल्याउने गरेको  छ । हामीले यसको विरोध गरिरहेका छौं ।’

    पीओके मिरपुरका अधिकारीकर्मी तथा लेखक डा. अमजद युब मिर्जाले यो निकै डरलाग्दो संशोधन भएको र यसले पीओकेलाई पाकिस्तानो दास बनाउने बताएका छन् । अधिकारकरमीहरुले पीओकेका जनतामाथि विभेदपूर्ण व्यवहार गर्ने गरेकोभन्दै आक्रोश पोखेका छन् । उनहरुले पाकिस्तान नियन्त्रित काश्‍मीरमा आधारभूत मानवअधिकारको उपभोगसमेत गर्न नदिएको भन्दै पाकिस्तानको अनावश्यक चासोलाई ुजंगली व्यवहारुको संज्ञा दिएका छन् ।

    आषाढ ७, २०७७ आइतवार १२:५३:१८ बजे : प्रकाशित

    नेपालपाना

    सम्बन्धित समाचार

    Copyright © All right reserved to Nepalpana