Logo

सोमवार, माघ १२ गते २०७७

सिन्जियाङको मानवअधिकार उल्लंघनको विरोध गर्दै स्वीडेनद्वारा चिनियाँ कच्चा पदार्थ आयातमा रोक

सिन्जियाङको मानवअधिकार उल्लंघनको विरोध गर्दै स्वीडेनद्वारा चिनियाँ कच्चा पदार्थ आयातमा रोक

नेपालपाना मंसिर ११ २०७७
  • 197
    SHARES
  • सिन्जियाङको मानवअधिकार उल्लंघनको विरोध गर्दै स्वीडेनद्वारा चिनियाँ कच्चा पदार्थ आयातमा रोक


    बेइजिङ । चीनको सिन्जियाङमा रहेका उइगरहरुमाथि चरम दमन भएको भन्दै विश्वभरबाट चर्को आलोचना र चीनमाथि मानवअधिकार उल्लंघनको कार्यलाई रोक्‍न दबाब सिर्जना भएको छ ।

    चीनले सिन्जियाङमा रहेका उइगरहरुलाई वर्षौंदेखि गैरकानुनी हिरासतमा राख्‍ने र अनुचित श्रम तथा यौन शोषण गर्ने गरेको विभिन्‍न अध्ययनहरुले देखाएका छन् । विश्वभरबाट सिन्जियाङमा उत्पादित सामग्रीहरुमा प्रतिबन्ध लगाउने, त्यहाँका कच्चा पदार्थ प्रयोग नगर्नेलगायत दबाब दिइरहेका छन् ।

    यही क्रममा स्वीडेनको ब्रान्डेड कपडा उद्योग 'एच एन्ड एम' ले आफ्नो उद्योगका लागि सिन्जियाङबाट कच्चा पदार्थ आयात नगर्ने निर्णय गरेको हो । जबरजस्ती श्रम शोषण गरेर तयार भएको कच्चा पदार्थ आफ्नो कम्पनीले आयात नगर्ने स्वीडेनको कपडा उद्योगले घोषणा गरेको हो ।

    यससँगै एच एन्ड एमले सिन्जियाङको कुनै पनि कपडा उद्योगसँग कुनै पनि किसिमको सहकार्य नगर्नेसमेत स्पष्ट पारेको छ । त्यसैगरी यस उद्योगले चीनका अन्य क्षेत्रबाट आयात हुने कच्चा पदार्थमा निर्यात गर्ने कम्पनीहरुले पनि श्रम शोषण गरे-नगरेको यकिन गरेरमात्रै सामान आयता गर्ने जनाएको हो ।

    सिन्जियाङमा उद्योगहरुबाट विभिन्‍न मुलुकले सामग्री आयातमा प्रतिबन्ध लगाएपछि चीनले सिन्जियाङका उइगरहरुलाई मुलुकका विभिन्‍न क्षेत्रमा रहेका उद्योगहरुमा काम गराउनका लागि लगेरसमेत जाने गरेका छन् ।

    यसअघि संयुक्त राज्य अमेरिकाले पनि श्रम शोषण गर्ने कुनै पनि कम्पनी र उद्योगबाट उत्पादित सामग्रीहरु आयात नगर्ने घोषणा गरेको थियो । अमेरिकाले मानवअधिकारको चरम उल्लंघन गरेर गैरकानुनी हिरासतमा राख्‍ने र उनीहरुको श्रम शोषण गरेर उत्पादित सामग्रीहरु प्रयोग नगर्ने अभियान नै सुरु गरेको थियो ।

    अमेरिकाको सिको गर्दै अस्ट्रेलिया, बेलायत, स्वीडेन लगायतका मुलुकका कम्पनीहरुले सिन्जियाङ र उइगरहरु श्रमिक भएका कुनै पनि कम्पनी र उद्योगहरुका सामग्री आयात नगर्ने घोषणा गरेका हुन् ।

    तर, चीनले भने उनीहरुको श्रम शोषण नगरेर र प्रशिक्षण केन्द्रमा राखेको जवाफ दिने गरेको छ ।

    मंसिर ११, २०७७ बिहिवार ११:०५:५४ बजे : प्रकाशित

    नेपालपाना

    सम्बन्धित समाचार

    Copyright © All right reserved to Nepalpana